Bir neçə gün əvvəl üzərinə ildırım düşərək xəstəxanaya yerləşdirilən podpolkovnik dünyasını dəyişib

Müdafiə Qüvvələrinin Qərb Komandanlığının 2-ci piyada briqadasının 24-cü artilleriya batalyonunun komandiri, üzərinə ildırım düşən podpolkovnik Qoderdzi Aprasidze dünyasını dəyişib.

InterPress.ge xəbər verir ki, bu barədə sosial şəbəkədə əsgərin yaxınları məlumat yayıb.

Qoderdzi Aprasidze yanıq mərkəzinin reanimasiya şöbəsində bir neçə gün süni tənəffüs aparatında olub.

Məlumat üçün bildirək ki, podpolkovnik Qoderdzi Aprasidzenin üzərinə Orpolo poliqonunda planlaşdırılmış səhra təlimi zamanı ildırım düşüb.