Polşada kosmetika vasitələrini oğurlayıb satan Gürcüstan vətəndaşı tutulub

Polşada oğurladığı mallarla ticarət edən 46 yaşlı Gürcüstan vətəndaşı saxlanılıb.

InterPress.ge xəbər verir ki, bu barədə Polşa mətbuatı yazıb.

Bildirilib ki, şəxsin adına 7 oğurluq faktı qeydə alınıb.

Mövcud məlumata görə, həmin şəxs aprel və may aylarında müxtəlif markalı kosmetika məhsulları oğurlayıb, zərərin ümumi dəyəri 9300 Polşa zlotuna yaxındır.

Müstəntiqlərin bildirdiyinə görə, saxlanılan şəxs bazarlardan oğurladığı əşyaları satırmış. Saxlanılan şəxs kosmetikadan əlavə, dəyəri 1200 Polşa zlotu olan markalı velosipedi də oğurlayıb.

Saxlanılan şəxsi 7,5 ilə qədər həbs gözləyir.