Vahid milli imtahanlar bu tarixdən başlayacaq

Vahid milli imtahanlar iyulun 3-də gürcü dili və ədəbiyyatı imtahanı ilə başlayacaq, iyulun 26-da isə fizika imtahanı ilə başa çatacaq.

InterPress.ge xəbər verir ki, məlumatı Milli Qiymətləndirmə və İmtahan Mərkəzi yayıb.

İyulun 6-dan etibarən fənn və xüsusi müəllimlərinin imtahanına qeydiyyatdan keçənlər imtahan prosesinə cəlb olunacaqlar. Tələbə qrant müsabiqəsi iyulun 12-də keçiriləcək, magistraturaya namizədlər isə iyulun 27-28-də ümumi magistr imtahanı verəcəklər.

İmtahanın keçirilmə tarixi, imtahana gəlmə vaxtı və imtahan mərkəzinin ünvanı barədə ətraflı məlumat imtahan kartında göstəriləcək. İmtahan verən şəxslər iyunun 20-dən sonra kartları öz qeydiyyat səhifəsindən çap edə biləcəklər.

Qeyd edək ki, 2023-cü ilin vahid milli imtahanı, tələbə qrantı müsabiqəsi, ümumi magistratura imtahanı, eləcə də müəllimlərin fənn imtahanı və xüsusi müəllim imtahanı üçün 75 mindən çox şəxs qeydiyyatdan keçib.

Milli Qiymətləndirmə və İmtahan Mərkəzi bildirir ki, apelyasiya nəticələrinin dərc olunduğu gündən sonrakı gün ərzində təhsil proqramlarının siyahısında dəyişiklik etmək mümkün olacaq. Xüsusi rəqəm avqust ayında dərc olunacaq.

Məlumat üçün bildirək ki, imtahanlarla bağlı kovid qaydaları bu il artıq qüvvədə deyil. Digər yoluxucu xəstəlikləri olan şəxslərdə olduğu kimi, koronavirusa yoluxanlar da mərkəzin (995 32) 2 47 33 33 nömrəli qaynar xətti ilə əlaqə saxlamalı və müvafiq tibbi sənədləri Milli Qiymətləndirmə və İmtahan Mərkəzinə (E. Mindeli N 9) təqdim etməlidirlər. İmtahan xüsusi olaraq təşkil olunmuş imtahan sektorunda keçiriləcək.