“2015-ci ildən indiyədək ölkədən 700 min katalizator ixrac edilib"

“2015-ci ildən indiyədək ölkədən 700 min katalizator ixrac edilib ki, bu da fəlakətli göstəricidir”.

InterPress.ge xəbər verir ki, bu barədə Kənd Təsərrüfatı və Ətraf Mühitin Mühafizəsi Nazirliyinin Ətraf Mühit və İqlim Dəyişikliyi İdarəsinin rəis müavini Noe Meqrelişvili bildirib.

Onun sözlərinə görə, Gürcüstanda mövcud avtomobil parkını nəzərə alsaq, bu məlumat “çox çətin mənzərədir”.

“Təəssüflər olsun ki, ölkədən katalizatorların ixrac sürətinin kütləvi olduğunu söyləmək olar. Maliyyə Nazirliyinin məlumatına görə, 2015-ci ildən, səhv etmirəmsə, ölkədən 700 min katalizator çıxarılıb ki, bu da fəlakətli göstəricidir. Bir milyon yarıma yaxın qeydiyyatda olan avtomobil var, amma təbii ki, onları yolda görmək olmur, daha azdır. Yollarımızda bir milyona yaxın olduğunu nəzərə alsaq, 700 min katalizator çox çətin mənzərədir. Məhz bu səbəbdən 2020-ci ilin aprelindən qeydiyyatdan keçmiş avtomobillərdə katalizatorun olması tələb olunur. Bu texniki baxış zamanı yoxlanılır. Ona görə də yolda yoxlama çox vacibdir”, - deyə Noe Meqrelişvili bildirib.

Məlumat üçün bildirək ki, Gürcüstanın baş nazirinin sözlərinə görə, hökumət fərman verəcək, ona görə, katalizatorların ixracı qadağan ediləcək.