Binadan yıxılan 15 yaşlı qız klinikada dünyasını dəyişib

Batumidə binadan yıxılaraq xəsarət alan 15 yaşlı qız klinikada dünyasını dəyişib.

InterPress.ge xəbər verir ki, bu barədə Batumi Beynəlxalq Universitet Klinikasından məlumat verilib.

Bildirililib ki, yeniyetmənin vəziyyəti ağır olub.

Məlumat üçün bildirək ki, 15 yaşlı qız gecə saatlarında Batumidə Loriya və Puşkin küçələrinin kəsişməsində yerləşən binadan yıxılıb. Yeniyetmə təcili tibbi yardım briqadası tərəfindən klinikaya aparılıb.

Hadisə şahidlərinin sözlərinə görə, 15 yaşlı uşaq yüngül avtomobilin üzərinə düşüb.