Gürcüstan smartfonları hansı ölkələrdən alır?
2023-cü ilin yanvar-aprel aylarında Gürcüstan 113 milyon dollar və ya 294 milyon lari dəyərində mobil telefon alıb.
InterPress.ge xəbər verir ki, bu barədə Milli Statistika Xidməti məlumat verib.
Bildirilib ki, bu, 2022-ci ilin analoji dövrünün göstəricisindən 32 milyon dollar (40%) çoxdur. Bu göstərici ilə cib telefonları Gürcüstanın ən böyük idxal mallarının statistikasında dərman vasitələri və kompüterlər arasında altıncı yeri tutub.
Gürcüstan smartfonların böyük hissəsini mobil telefonların topdan satışının qlobal mərkəzindən - Birləşmiş Ərəb Əmirliklərindən alır. Smartfonların əhəmiyyətli bir hissəsinin Çində istehsal olunmasına baxmayaraq, bu məhsullar ölkəyə əsasən vasitəçi ölkələr vasitəsilə daxil olur.
Gürcüstanın 2023-cü ilin yanvar-aprel aylarında mobil telefon aldığı ölkələr:
1 Birləşmiş Ərəb Əmirlikləri - 53,3 milyon dollar;
2 Çexiya - 23,0 milyon dollar;
3 Vyetnam - 11,4 milyon dollar;
4 Honq Konq - 6,2 milyon dollar;
5 Çin - 4,9 milyon dollar;
6 Hollandiya - 3,6 milyon dollar;
7 Hindistan - 2,4 milyon dollar;
8 İsveç - 2,2 milyon dollar;
9 Kipr - 1,0 milyon dollar;
10 İsveçrə - 0,8 milyon dollar.
Smartfonların təkrar ixrac həcmi demək olar ki, iki dəfə azalıb. 2022-ci ilin yanvar-aprel aylarında bu rəqəm 13,6 milyon dollar idisə, bu il 7,6 milyondur. Onların arasında Gürcüstandan Qazaxıstana 3,4 milyon dollar, Ermənistana 1,7 milyon, Azərbaycana 1,4 milyon dollar dəyərində mobil telefon gedib.