Rusiya-Gürcüstan istiqamətində uçuşlar ikitərəfli qaydada bərpa olundu
Rusiya-Gürcüstan istiqamətində uçuşlar ikitərəfli qaydada bərpa olunub.
InterPress.ge xəbər verir ki, bu gün saat 08:00-da “Georgian Airways” Moskvaya uçub.
“Georgian Airways” şirkəti Tbilisi-Moskva istiqamətində ilk uçuşu həyata keçirib. İlk reysdə 85 sərnişinimiz var idi. “Georgian Airways” həftədə yeddi dəfə gündəlik reyslər həyata keçirməyi planlaşdırır”, - aviaşirkətin nümayəndəsi jurnalistlərə bildirib.
Uzun fasilədən sonra etiraz aksiyasına paralel olaraq mayın 19-da Rusiyadan Gürcüstana ilk uçuş həyata keçirilib.
Mayın 15-də Mülki Aviasiya Agentliyi “Azimut” şirkətinə uçuşlar həyata keçirmək üçün lazımi icazə verib.
Rusiya prezidentinin sərəncamına əsasən, 2023-cü il mayın 15-dən Gürcüstan vətəndaşları Rusiyaya vizasız gedə bilərlər. Putinin qərarına əsasən, 2019-cu ilin iyununda Gürcüstana birbaşa uçuşları qadağan edən fərman ləğv edilib.
