İrakli Ğaribaşvili tələbələri “son zəng” münasibətilə təbrik edir

Gürcüstanın baş naziri İrakli Ğaribaşvili tələbələri “son zəng” münasibətilə təbrik edir.

InterPress.ge xəbər verir ki, bu barədə məlumat Gürcüstan Hökumətinin Facebook səhifəsində qeyd olunub.

“Bu gün son məktəb zəngi çalınacaq gənc dostlarım, sizi həyatınızda bu ən mühüm hadisə münasibətilə ürəkdən təbrik edirəm.

Bu gündən qarşınızda yeni təcrübələr, münasibətlər, dostlar, gələcəyiniz və vətəniniz üçün məsuliyyət, ən əsası isə - yeni inkişaf perspektivləri ilə tamamilə yeni mərhələ başlayır. Bu böyük yolda uğurlar.

Əminəm ki, hər biriniz cəmiyyətdə layiqli yer tapacaqsınız, təhsiliniz, işiniz şəxsi yüksəlişiniz kimi ölkəmiz üçün də faydalı olacaq.

Bilməyinizi istəyirəm ki, hökumətimiz sizin təhsiliniz, özünüdərkiniz və ləyaqətli yaşamanız üçün hər cür şərait yaratmaq üçün hər şeyi edir.

Siz xüsusi nəsilsiniz və inanıram ki, belə bir xüsusi gələcək yaradacaqsınız!” – Ğaribaşvili deyib.