Antiterror mərkəzi “İslam Dövləti”nin altı tərəfdarını saxlayıb

Genişmiqyaslı xüsusi əməliyyat nəticəsində Dövlət Təhlükəsizliyi Xidmətinin antiterror mərkəzi məhkəmənin qərarı əsasında “İslam Dövləti” terror təşkilatının tərəfdarlarını saxlayıb.

InterPress.ge xəbər verir ki, bu barədə DTX məlumat verib.

Məlumata görə, antiterror əməliyyatı eyni vaxtda 4 yerdə keçirilib, 6 Gürcüstan vətəndaşı saxlanılıb.

Terrorla Mübarizə Mərkəzinin, Gürcüstan Baş Prokurorluğunun və Daxili İşlər Nazirliyinin birgə tədbirləri nəticəsində əldə edilmiş sübutlara əsasən, adıçəkilən şəxslərin “İslam Dövləti” terror təşkilatının nüfuzlu rəhbərlərindən biri ilə əlaqələrinin olması və onun rəhbərliyi altında bir neçə ölkədə müxtəlif növ terror fəaliyyətləri planlaşdırıldığı müəyyən edilib.

İstintaq tədbirləri nəticəsində terror təşkilatının rəmzləri, elektron məlumat daşıyan qurğular, döyüş sursatı, partlayıcı maddələr və istintaq üçün vacib olan müxtəlif sübutlar götürülüb.

İstintaq Gürcüstan Cinayət Məcəlləsinin 328 və 236-cı maddələri ilə (xarici ölkənin terror təşkilatına qoşulma, terror fəaliyyətinə köməklik göstərmə, qanunsuz olaraq odlu silah, döyüş sursatı və partlayıcı maddələr əldə etmə və saxlama) aparılır.

Sözügedən araşdırmalar çərçivəsində antiterror mərkəzi tərəfindən əldə edilmiş sübutlar əsasında müxtəlif xarici dövlətlərin ərazisində müəyyən terror fəaliyyətləri müəyyən edilib və artan təhlükə nəzərə alınaraq operativ şəkildə tərəfdaş ölkələrə məlumat verilib. Qeyd edək ki, eyni iş çərçivəsində Daxili İşlər Nazirliyinin Miqrasiya İdarəsinin müvəqqəti yerləşdirmə mərkəzinə yerləşdirilən 1 xarici ölkə vətəndaşı barəsində də müvafiq əmrlə cinayət işi başlanıb.