Tbilisidə gənc oğlan güllələnib

Tbilisinin mərkəzində, Zubalaşvili küçəsində 28 yaşlı Tornike Qabelaşvili güllələnib.

InterPress.ge xəbər verir ki, o, çoxsaylı xəsarətlərlə xəstəxanaya aparılıb.

Məlumata görə, gənc oğlana binanın girişində atəş açılıb. Sakinlər silah səsinə çölə çıxıblar, ancaq hücum edən şəxs hadisə yerindən qaçaraq gizlənə bilib.

Hadisə yerinə ekspert-kriminalistlər cəlb olunub.

Versiyalardan birinə görə, 28 yaşlı Tornike Qabelaşvili öz dostu tərəfindən güllələnib, ancaq təfərrüatlar hələlik məlum deyil.