Gürcüstan Rusiya arasında uçuşların başlayacağı tarixi məlum oldu

Azimut Hava Yolları Gürcüstan və Rusiya Federasiyası arasında uçuşlar həyata keçirməyə başlayır. 

InterPress.ge xəbər verir ki, bu barədə məlumatı Mülki Aviasiya Agentliyi yayıb.

Agentliyin açıqlamasına görə, Azimut Hava Yolları Aİ-nin qara siyahısında deyil.

“Gürcüstanın Mülki Aviasiya Agentliyi bu gün, bu il mayın 15-də aviaşirkətə lazımi icazə verib.

Aviaşirkətin Mülki Aviasiya Agentliyinə təqdim etdiyi uçuş ərizəsinə uyğun olaraq, Moskva-Tbilisi-Moskva hava xətti ilə uçuşlar bu il mayın 17-dən həftədə yeddi dəfə həyata keçiriləcək”, - məlumatda deyilir.