Neçə nəfərin Aİ ölkələrindən Gürcüstana qayıtmasına razılıq verilib?

Cari ilin birinci rübündə (yanvar, fevral, mart) readmissiya çərçivəsində 1190 nəfərə Aİ ölkələrindən Gürcüstana qayıtmağa razılıq verilib.

InterPress.ge xəbər verir ki, bu, Daxili İşlər Nazirliyinin statistik məlumatlarında qeyd olunub.

Məlumata görə, qeyd olunan üç ayda readmissiya ilə bağlı ümumilikdə 1196 müraciətə baxılıb, onlardan 1190-na razılıq verilib, 6-na isə rədd cavabı verilib.

Qeyd edək ki, Gürcüstana ən çox - 785 vətəndaşın qayıtması ilə bağlı qərar Almaniyada verilib. Sonra Fransa (149), Yunanıstan (57), İsveçrə (38); Hollandiya (35), Belçika (26); Polşa (20) gəlir.