Sinoptiklər hava şəraiti ilə bağlı əhaliyə xəbərdarlıq edir

Aprelin 29-30-da Gürcüstanda yağış yağacağı, bəzi yerlərdə intensiv olacağı, şimşək çaxacağı, dolu düşəcəyi, güclü külək əsəcəyi gözlənilir, dənizdə 3-4 bal gücündə fırtına olacağı ehtimalı var.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Gözlənilən güclü yağışlar çaylarda suyun səviyyəsinin əhəmiyyətli dərəcədə artmasına, kiçik çaylarda daşqınlara, ölkənin dağlıq ərazilərində sürüşmə proseslərinin başlamasına və aktivləşməsinə, dağlıq ərazilərdə qar uçqunlarının əmələ gəlməsinə səbəb ola bilər.