Gürcüstandan xaricə gedənlərin sayı artıb

2022-ci ildə mühacirət edənlərin sayı 125 min 269 nəfər olub ki, bu da əvvəlki illə müqayisədə 25,3 faiz çoxdur, immiqrantların sayı isə 142,9 faiz artaraq 179 min 778 nəfər olub.

InterPress.ge xəbər verir ki, bu barədə məlumatı Milli Statistika Xidməti yayıb.

Hesabata görə, həmin dövrdə immiqrantların 84,3 faizi, emiqrantların 86,7 faizi əmək qabiliyyətli (15-64 yaş qrupu) əhalini təşkil edib. 2022-ci ildə immiqrantların 30,3 faizi, mühacirlərin 80,5 faizi Gürcüstan vətəndaşları olub.

Rəsmi məlumata görə, 2023-cü il yanvarın 1-nə Gürcüstan əhalisinin sayı 3736,4 min nəfər təşkil edib ki, bu da ötən ilin müvafiq dövrü ilə müqayisədə 1,3 faiz çoxdur.