Vladimir Putin Rusiyanın xaricdəki aktivlərinin müsadirə edilməsinə qarşı cavab tədbirlərinin həyata keçirilməsi haqqında fərman imzalayıb

Rusiya prezidenti Vladimir Putin Rusiyanın xaricdəki aktivlərinin müsadirə edilməsinə qarşı cavab tədbirlərinin həyata keçirilməsi haqqında fərman imzalayıb.

InterPress.ge xəbər verir ki, bu barədə Rusiya mətbuatı yazıb.

Sənədə əsasən, Rusiyanın xaricdəki əmlakına hüquqların müsadirə edilməsi və ya məhdudlaşdırılması halında qeyri-dost ölkələrə aid olan və Rusiya ərazisində yerləşən aktivlərin kənardan idarə edilməsi müəyyən edilir.

Bundan başqa, sənədə əsasən, müvəqqəti idarəetmə daşınar və daşınmaz əmlaka, qiymətli kağızlara, nizamnamə kapitalındakı paylara, habelə mülkiyyət hüquqlarına da təsir göstərə bilər.

“Müvəqqəti idarəetmə ilə bağlı xərclərin maliyyələşdirilməsi ondan istifadədən əldə edilən gəlirlər hesabına həyata keçirilir”, - deyə sərəncamda qeyd olunub.

Rusiyanın xaricdəki aktivlərinin müsadirəsi ilə əlaqədar federal hökumətin əmlak idarəçiliyi agentliyinin “Rosimushestvo”nun müvəqqəti idarəçiliyinə verilmiş xarici aktivlərin siyahısına iki şirkətdə səhmdarların payları daxildir: “Fortum” (98 faizdən çox) və “Unipro” (83 faizdən çox).