Lelo partiyasının nümayəndələri Marneulidə İmam Əli məscidinə qonaq olublar-FOTO

Lelo partiyasının millət vəkilləri və partiya nümayəndələri Marneuliyə səfər ediblər.

InterPress.ge xəbər verir ki, partiyanın millət vəkilləri və digər nümayəndələri Marneulinin İmam Əli məscidinə və Ümumi Gürcüstan  Müsəlmanları  ali dini idarəsinə qonaq olublar.

Görüş zamanı qonaqlar müsəlman icmasını Ramazan bayramı münasibətilə təbrik edərək məscid tərəfindən ehtiyaclı ailələrə verilməsi üçün bayram sovqatı təqdim ediblər. 

Görüş çərçivəsində daha sonra qonaqlar  müsəlman  icmasının problemlərini İmam Əli məscidinin axundu Hacı Haciyevdən və Ümumi Gürcüstan  Müsəlmanları  ali dini idarəsinin  şeyxi Mirtağı Əsədovdan dinləyiblər.