Pasxa bayramı ilə əlaqədar vətəndaşlar qəbiristanlıqlar istiqamətində pulsuz səyahət edə biləcəklər
Aprelin 15-i saat 23:00-dan aprelin 16-sı saat 04:00-dək metro ilə səyahət pulsuz olacaq.
InterPress.ge xəbər verir ki, Tbilisi Nəqliyyat Şirkətindən bununla bağlı məlumat verilib.
Şirkət nümayəndəsinin qeyd etdiyinə görə, aprelin 16 və 17-də Tbilisi qəbiristanlıqları istiqamətində əlavə marşrut xətləri təyin edilib.
“Pasxa bayramında saat 23:00-dan səhər saat 04:00-a qədər metroda gediş-gəliş pulsuz olacaq. Aprelin 16 və 17-nə gəlincə, bu günlərdə qəbiristanlıqlar istiqamətində əlavə marşrut xətləri təyin edilib. Onlar səhər saat 08:00-dan axşam 20:00-dək sərnişinlərə pulsuz xidmət göstərəcəklər. Didube metro stansiyasından Muxatqvedi və Vaşlicvari qəbiristanlıqları istiqamətində əlavə marşrutlar təyin edilib. Həmçinin, “Delisi” metrosundan Saburtalo qəbiristanlığına, Marcanişvili metrosu və stansiya meydanından Kukia qəbiristanlığına, Çiçinadze küçəsindən Vera qəbiristanlığına, Saracişvili metrosundan Tbilisi dəniz qəbiristanlığına, Şua Mta küçəsi və Varketili metrosundan Varketili qəbiristanlığına avtobuslar qeyd olunan vaxt ərzində pulsuz xidmət göstərəcək”, - deyə o bildirib.
