Diri-diri basdırılan uşaq torpağın altından çıxarılandan sonra ağlamağa başladı - ANBAAN VİDEO

Hindistanda diri-diri basdırılmış körpə qız torpağın altından canlı halda çıxarılıb.

InterPress.ge-nin “Republic TV”yə istinadən məlumatına görə, həmin anın görüntülərini tanınmış hindistanlı siyasətçi İmtiyaz Cəlil paylaşıb.

Kadrlarda kənd sakinlərinin qəbirdən yeni doğulan körpəni çıxarması və uşağın ağlamağa başlaması görünür.

51 yaşlı siyasətçi bununla bağlı istintaq tələbini irəli sürüb:

“Əgər biz həqiqətən də qızların müdafiəsinə ciddi yanaşırıqsa, təqsirləndirilən şəxs qanunun bütün tələbi ilə cəzalandırılmalıdır”, - deyə, Cəlil bildirib.