Gürcüstan-Azərbaycan sərhəddində gürcüstanlılar Azərbaycana dəstək aksiyası keçirdilər

Gürcüstan-Azərbaycan sərhədindəki “Qırmızı körpü” sərhəd-keçid məntəqəsi yaxınlığında aksiya keçirilib.

InterPress.ge xəbər verir ki, gürcüstanlı gənclərin təşkil etdiyi aksiya Azərbaycana dəstək məqsədi daşıyıb.

Aksiyada son günlər Ermənistanın Azərbaycana qarşı törətdiyi hücumlar və təxribatlar pislənilib.

Soydaşlarımız Azərbaycanın haqlı mövqeyini dəstəklədiklərini bildiriblər. Onlar Ermənistanı təcavüzə və təxribatçı əməllərə son qoymağa çağırıblar.

Dəstək aksiyasına Azərbaycanla sərhədə yaxın kəndlər və Gürcüstanın digər bölgələrindən olan soydaşlarımız qatılıblar.(report)