Qardabanidə ağır yol qəzası baş verib - Ölən və yaralananlar var

Qardabani bələdiyyəsində yaşlı kişi yol qəzasında ölüb.

InterPress.ge xəbər verir ki, iki avtomobil bir-biri ilə toqquşub, yaşlı kişi yerindəcə dünyasını dəyişib.

Eyni qəza nəticəsində 41 yaşlı kişi və azyaşlı uşaq xəsarət alıb.

Mövcud məlumata görə, uşağın səhhəti nisbətən ağır olub, o, İaşvili klinikasına yerləşdirilib.

Kişiyə gəlincə, həmin şəxs Tbilisidəki “Geo Hospitals”da müalicəsini davam etdirir. Klinikadan verilən məlumata görə, xəstədə yüngül beyin silkələnməsi və bel fəqərələrinin sınığı var və bu, cərrahi müdaxilə tələb edir.

Hadisə yerinə təcili tibbi yardım briqadaları və patrul polisi səfərbər edilib.