Tbilisidə “Ambassador” otelində yanğın çıxaran şəxs saxlanıldı

Tbilisidə “Ambassador” otelində baş verən yanğınla bağlı bir nəfər saxlanılıb.

InterPress.ge xəbər verir ki, bu barədə Daxili İşlər Nazirliyi məlumat verib.

“Daxili İşlər Nazirliyinin Tbilisi Polis Departamentinin Köhnə Tbilisi Baş İdarəsinin əməkdaşları həyata keçirdikləri əməliyyat-istintaq tədbirləri nəticəsində 1995-ci il təvəllüdlü A.L.-ni saxlayıblar.

Cinayət 3 ildən 5 ilə qədər azadlıqdan məhrumetmə ilə cəzalandırılır.

İstintaq müəyyən edib ki, Tbilisidə “Ambassador” otelinin otaqlarından birində qonaq yanğın çıxarıb, nəticədə yanğın otelin üçüncü və dördüncü mərtəbələrinə yayılıb.

Xəbərdarlığı alan hüquq-mühafizə orqanlarının əməkdaşları və yanğınsöndürənlər hadisə yerinə gələrək yanğını söndürməyə başlayıblar.

Hüquq-mühafizə orqanlarının əməkdaşları təqsirləndirilən şəxsi isti izlərlə saxlayıblar.

İstintaq Gürcüstan Cinayət Məcəlləsinin 187-ci maddəsinin 2-ci hissəsinin “a” bəndinə əsasən aparılır, bu isə obyektin yandırılması yolu ilə zədələnməsi və ya məhv edilməsini nəzərdə tutur”, - deyə məlumatda bildirilir.