Gürcüstanda çörəyin qiymətinin enməsi ilə bağlı müzakirələr aparılır

Çörək Sənayesi Birliyinin sədri Malxaz Dolidze deyib ki, ötən illə müqayisədə un ucuzlaşıb, lakin çörək ucuzlaşmayıb.

InterPress.ge xəbər verir ki, bu barədə o, “Mtavari” media mərkəzində keçirilən mətbuat konfransında danışıb.

Jurnalistlərin - niyə unun qiymətinin çörəyin qiymətində əks olunmadığı sualına Malxaz Dolidze deyib": “Əgər biz qiymətlərə diqqət yetirsək, bu, bizə yaxşı nəticə verməyəcək”.
Bununla belə, çörək istehsalçılarının nümayəndəsi onu da qeyd edib ki, ərzaq məhsullarının qiymətinin aşağı salınması ilə bağlı dövlət siyasəti çərçivəsində çörəyin ucuzlaşması ilə bağlı müzakirələr aparılır, sənaye nümayəndələri arasında görüşlər keçirilir.

“Hökumətin siyasəti ondan ibarətdir ki, əsas ərzaq məhsullarının qiyməti aşağı salınsın... Bir gözlənti də var ki, çörəyin də qiyməti düşə bilər, amma bunun üçün iş və vaxt lazımdır. Bunun üçün şirkətlərlə işləyirik”, - Dolidze bildirib.