Mixeil Saakaşvilinin kadrlarını yaydığına görə Penitensiar Xidmət 500 lari cərimələndi

Fərdi Məlumatların Mühafizəsi Xidməti Gürcüstanın üçüncü prezidenti Mixeil Saakaşvilinin şəxsi məlumatlarını əks etdirən videoyazıların Xüsusi Penitensiar Xidmət tərəfindən 2022-ci il dekabrın 14-də və 2023-cü il fevralın 15-də rəsmi facebook səhifəsində dərc edilməsinin qanuniliyinin öyrənilməsini başa çatdırıb. 

InterPress.ge xəbər verir ki, bu barədə qurum məlumat yayıb.

Müəyyən edilib ki, Xüsusi Penitensiar Xidmət Mixeil Saakaşvilinin “Vivamed” klinikasında olması ilə bağlı videoçəkilişləri yüksək ictimai marağı qorumaq üçün ictimaiyyətə açıqlayıb ki, bu da qanunun 5-ci maddəsinin “z” yarımbəndinə əsasən məlumatların işlənməsi üçün əsas təşkil edir. Xüsusi Penitensiar Xidmət “Fərdi məlumatların mühafizəsi haqqında” Gürcüstan qanununun 44 və 48-ci maddələrinə əsasən qanunu pozan kimi tanınıb. Xüsusi Penitensiar Xidmətə inzibati cərimə kimi 500 lari məbləğində cərimə kəsilib.