Gürcüstanda dizel yanacağının qiyməti ucuzlaşacaq

"Dizel yanacağının qiyməti ucuzlaşacaq". 

InterPress.ge xəbər verir ki, bu barədə Neft Məhsulları İdxalçıları İttifaqının sədri Vaxtanq İobaşvili məlumat verib.

O qeyd edib ki, eyni zamanda benzinin qiymətində azalma dayana bilər. Vaxtanq İobaşvilinin sözlərinə görə, bu, mövcud resurslardan asılıdır.

“Bu gün Tbilisidə və ölkə üzrə bəzi yanacaqdoldurma məntəqələrində benzinin qiyməti 2,10 - 2,15 (2,09) laridir. Regular-ın qiymətini azaltmaq üçün resursumuz olmasa, təəssüf ki, azalma dayana bilər. Bununla belə, biz birbaşa bəyan edirik ki, bu günlərdə dizel yanacağının qiymətlərində ucuzlaşma tendensiyası başlayacaq", - deyə İobaşvili söyləyib.