Gürcüstanda bədbəxt hadisə: avtomobil məktəbin həyətində oturan şəxsləri vurdu - ölən var

Ğvarelidə avtomobil qəzası nəticəsində bir nəfər həyatını itirib.

InterPress.ge xəbər verir ki, hadisə Ğareli bələdiyyəsinin Axali sopeli kəndində baş verib.

Məlumata görə, Opel markalı avtomobilin sürücüsü içkili vəziyyətdə olub. O idarəetməni itirərək binanın həyətində oturan insanlara çırpılıb.

Hadisə nəticəsində orta yaşlı qadın yerində dünyasını dəyişib, bir neçə şəxs xəsarət alıb. Onlar xəstəxanaya yerləşdiriliblər. Həkimlərin sözlərinə görə, onların həyati təhlükələri yoxdur.

Daxili İşlər Nazirliyi faktla bağlı istintaqa başlayıb.