07 
Mar
2023
19:08
252

İnal Ardzinba: "Gürcüstan Abxaziyanın dövlət suverenliyini tanımalıdır"

Gürcüstan Abxaziyanın dövlət suverenliyini tanımalıdır. 

InterPress.ge xəbər verir ki, bu barədə  işğal olunmuş Abxaziyanın “Xarici işlər naziri” İnal Ardzinba rusiyalı jurnalist Vladimir Solovyovun proqramında deyib.

“Biz Cenevrədə beynəlxalq müzakirələrdə iştirak edirik, bu, Abxaziyanın indiyədək təmsil olunduğu yeganə beynəlxalq formatdır. Biz Rusiya və Cənubi Osetiya ilə vahid komanda kimi bir araya gəlirik. Təəssüf ki, beynəlxalq geosiyasi vəziyyətə görə hazırda Cenevrə müzakirələri platformasında durğunluq var, lakin ümid edirik ki, biz bu platformada əsas nəticəyə nail olacağıq – bu, qüvvədən istifadə etməmək barədə məcburi sazişin imzalanmasıdır. Gürcüstan, bu, Abxaziya Respublikasının dövlət suverenliyinin Gürcüstan tərəfindən tanınması istiqamətində bir addımdır. Çünki bu günə qədər qərblilər bizi separatçı hesab edirlər”, - deyə Ardzinba bildirib.

O qeyd edib ki, Rusiya Federasiyası Abxaziyanın əsas strateji tərəfdaşıdır. Ardzinbanın sözlərinə görə, Abxaziyanın xarici siyasətinin prioritetlərindən biri Yaxın Şərqdir və Suriya, Livan, Əfqanıstanla aktiv iş aparılır. Gürcüstan isə bu beynəlxalq əlaqələri əngəlləməyə çalışır",- Ardzinba qeyd edib.

Bizimlə əlaqə saxlayın