GMİ: "Gürcüstan əhalisinin əksəriyyətinin Avropa seçimini dəstəkləyirik"

Bütün Gürcüstan Müsəlmanları İdarəsi Gürcüstan əhalisinin əksəriyyətinin Avropa seçimini dəstəkləyir və bəyan edir ki, Avropa istəyi Konstitusiya ilə dəstəklənir. 

InterPress.ge xəbər verir ki, idarə bununla bağlı Facebook-da bəyanat yayıb.

Bəyanatda deyilir ki, biz hamımız birlikdə hər bir vətəndaşın hüquqlarının qorunacağı demokratik dövlət qururuq.

“Bütün Gürcüstan Müsəlmanları İdarəsi Gürcüstan əhalisinin əksəriyyətinin Avropa seçimini, Avropa ailəsinə üzv olmasını və azad dünyanın bir hissəsi olmasını tam dəstəkləyib və gələcəkdə də bu seçimə və dəyərlərə sadiq qalacaq. Tarixən və bu gün ölkəmiz çoxşaxəli olub və çoxşaxəlidir ki, bu da bizim milli-mədəni sərvətimizdir. Biz hamımız birlikdə hər bir vətəndaşın hüquqlarının qorunacağı demokratik dövlət qururuq. Tezliklə vahid və güclü dövlətdə yaşayaq. Allah bütün Gürcüstanı qorusun! Amin!", - bəyanatda deyilir.