Gürcüstanda hava şəraiti dəyişəcək - Proqnoza baxın

Martın 1-də günün ikinci yarısından martın 4-dək Gürcüstanın düzənlik, aran bölgələrində və dağlıq rayonlarda yağış, yüksək dağlıq ərazilərdə sulu qar gözlənilir, ölkənin qərb hissəsində güclü yağış yağış yağa bilər.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Məlumata görə, dağlıq bölgələrdə havanın yüksək temperaturu ilə əlaqədar qarın intensiv əriməsi və bununla bağlı Qərbi Gürcüstan çaylarında ehtimal olunan güclü yağıntılar suyun səviyyəsinin əhəmiyyətli dərəcədə artmasına, qar uçqunlarının əmələ gəlməsinə və aktivləşməsinə səbəb ola bilər.