2 yaşlı övladına şiddət göstərən ata həbs cəzasına məhkum edildi

Kaxetidə 2 yaşlı uşağın sağlamlığına qəsdən ağır zərər vurmaqda şübhəli bilinən 35 yaşlı şəxs barəsində həbs qətimkan tədbiri seçilib.

InterPress.ge xəbər verir ki, hakim prokurorun vəsatətini tam təmin edib.

Proses prokurorun vəsatəti və təqsirləndirilən şəxsin vəkilinin razılığı ilə Telavi rayon məhkəməsində qapalı rejimdə aparılıb.

Mövcud məlumata görə, söhbət fevralın 23-də çoxsaylı bədən xəsarətləri və yanıq xəsarətləri ilə Qurcaani “Geohospitals” klinikasına gətirilən iki yaşlı uşaqdan gedir.

Azyaşlının nənəsi əvvəlcə ananın azyaşlıya şiddət tətbiq etdiyini iddia etsə də, araşdırmalar çərçivəsində azyaşlıya atasının şiddət göstərdiyi məlum olub və ata cinayəti qismən etiraf edib.