Saxta sənədlər hazırlama, külli miqdarda rüsumsuz tütün məmulatları satma faktı ilə 5 nəfər saxlanılıb

Gürcüstan Maliyyə Nazirliyinin İstintaq Xidmətinin əməkdaşları həyata keçirdikləri əməliyyat-axtarış tədbirləri nəticəsində saxta rəsmi sənədlər hazırlama, vəzifə səlahiyyətlərindən sui-istifadə, biganəlik, saxlama və satma, xüsusilə  külli miqdarda aksizli malların aksiz markası olmadan saxlanması və satışı faktına görə ikisi müəssisənin direktoru və onun işçisi olan 5 nəfər saxlanılıb.

InterPress.ge xəbər verir ki, bu barədə Maliyyə Nazirliyinin İstintaq Xidməti məlumat yayıb.

Nazirliyin məlumatına görə, araşdırma müəyyən edib ki, Gürcüstanın İqtisadiyyat və Davamlı İnkişaf Nazirliyinin Dövlət Əmlak Agentliyi ilə bağlanmış müqavilə əsasında mülki dövriyyədən çıxarılan rüsumsuz tütün məmulatlarının məhv edilməsini şirkətlərə müvafiq kompensasiya müqabilində həmin şəxslərdən biri həyata keçirməlidir. 

“Qeyri-qanuni maddi səmərə əldə etmək məqsədi ilə müəssisənin direktoru öz işçisi ilə əlbir olaraq malların məhv edilməsi ilə bağlı sənədləri saxtalaşdıraraq, qondarma şəkildə tərtib edib, bundan sonra vaxtaşırı olaraq müxtəlif vətəndaşlar vasitəsilə rüsumsuz tütün məmulatlarını satıblar.

Tbilisi, Rustavi və Qardabani şəhərlərində həyata keçirilmiş istintaq-əməliyyat tədbirləri nəticəsində bazar dəyəri 22 000 laridən artıq olan ümumilikdə 5241 qutu rüsumsuz siqaret götürülərək məhv edilərək sənədləşdirilib"-məlumatda bildirilib.