Gürcüstan Bankını qarət etməkdə təqsirləndirilən Badri Esebuanın məhkəməsi bu gün keçiriləcək

Zuqdididə Gürcüstan Bankını soymaqda təqsirləndirilən Badri Esebuanın cinayət işi üzrə məhkəmə prosesi bu gün keçiriləcək.

InterPress.ge xəbər verir ki, məhkəmə prosesi saat 15:00-a təyin edilib.

Saxlanılan şəxsin vəkili İoseb Canaşiyanın  verdiyi məlumata görə, təqsirləndirilən şəxs məhkəmə prosesində iştirak edəcək.

“Məhkəmə bank quldurluğu faktını müzakirə edir. İttiham tərəfinin şahidləri dindiriləcək. Təqsirləndirilən şəxs iclasda iştirak edəcək, çünki bu, onun istəyidir”, - İoseb Canaşiya bildirib.

Məlumata görə, proses ittiham tərəfinin sübutları ilə davam etdiriləcək. Bu, Badri Esebuanın ittihamları ilə bağlı əsaslı cinayət mühakiməsinə qatılacağı ilk iclas olacaq. Sonuncu məhkəmə prosesində o, cəzaçəkmə müəssisəsindən uzaqdan cəlb edilən zaman səsi səhvlərlə eşitdiyi üçün bugünkü iclasda iştirak etmək istədiyini, distant iştirak etmək istəmədiyini bildirib.

Məlumat üçün bildirək ki, Zuqdididə Gürcüstan Bankını qarət etməkdə təqsirləndirilən Badri Esebua fevralın 8-də saxlanılıb.

Sözügedən iş üzrə istintaq Gürcüstan Cinayət Məcəlləsinin terror aktı, terror məqsədi ilə girov götürmə və qanunsuz olaraq odlu silah əldə etmə, saxlama və gəzdirməni nəzərdə tutan 236, 323 və 329-cu maddələri ilə aparılır.