Batumi- Sarpi yolunda qaya uçub

Batumi-Sarpini birləşdirən mərkəzi avtomobil yolunda qaya uçub. Hadisə nəticəsində xəsarət alan olmayıb.

InterPress.ge xəbər verir ki, hadisə yerində Xelvaçauri meriyasının nümayəndələri və hüquq-mühafizə orqanlarının əməkdaşları iştirak edirlər.

Xelvaçauri meriyasının verdiyi məlumata görə, yolların təmizlənməsi işlərinə başlanılıb.

“Mərkəzi yola daşlar düşüb, xoşbəxtlikdən xəsarət alan olmayıb. Artıq Xelvaçauri merinin müavini və müvafiq xidmətlərin nümayəndələri gəlib. Ərazi tez bir zamanda təmizlənəcək. Nəqliyyatın hərəkəti qismən bağlanıb”, - Xelvaçauri meriyası bildirib.