Rustavidə gənc oğlan bıçaqlanıb

Rustavinin Qaqarin küçəsində 24 yaşlı oğlan bıçaqlanıb.

InterPress.ge xəbər verir ki, Qaqarin küçəsində baş verən mübahisə zəminində gənc oğlan qarın və ürək-sinə nahiyəsindən soyuq silahla yaralanıb.

Yaralı şəhər mərkəzi xəstəxanasına çatdırılıb.

Klinikanın reanimasiya və kritik tibb şöbəsinin müdiri Paata Paatişvilinin sözlərinə görə, oğlanın səhhəti ağırdır.

"Vəziyyəti ağır qiymətləndirilir, o, süni nəfəs aparatındadır və intensiv reanimasiya tədbirləri davam etdirilir", - Paatişvili deyib.

Hadisə ilə bağlı artıq 35 yaşlarında kişi şübhəli şəxs qismində saxlanılıb.

Hadisə yerinə kriminal polisin bir neçə briqadası səfərbər edilib.