DİQQƏT! Bunları etsəniz cərimələnə bilərsiniz

İctimai yerlərdə və bələdiyyə nəqliyyatında vandalizm faktlarının qarşısını almaq üçün İnzibati Xətalar Məcəlləsində dəyişikliklər hazırlanıb. 

InterPress.ge xəbər verir ki, bu barədə Kaxa Kaladze Tbilisi bələdiyyəsinin hökumət iclasında danışıb.

“Bilirsiniz ki, ictimai yerlərin təşkili, abadlaşdırılması, ümumiyyətlə, rahat mühitin yaradılması bizim üçün prioritet məsələdir. Parkların, meydanların, yolların, yeraltı keçidlərin, ictimai nəqliyyatın və digər ictimai obyektlərin hərtərəfli təchiz olunması və vətəndaşların hər gün rahat şəraitdə hərəkət etmələri vacibdir. Bütün bunlara təbii ki, həm insan, həm də maliyyə vəsaiti sərf olunur. Görürsünüz ki, son illər nə qədər park və meydanlar salınıb və ya abadlaşdırılıb, nə qədər ictimai yerlər abadlaşdırılıb. Bunun fonunda çox üzücüdür ki, belə məkanlarda, eləcə də yeni ictimai nəqliyyatda bir çox hallarda mövcud inventar bilərəkdən korlanır, əksər hallarda bunu böyüklər edir.

İnfrastrukturun və inventarın zədələnməsi və vətəndaşlarımızın bundan artıq istifadə edə bilməməsi ilə yanaşı, onun bərpası və ya dəyişdirilməsi üçün əlavə vəsaitin ayrılmasına ehtiyac var ki, bu vəsait başqa proqramlar üçün istifadə oluna və yenidən həmvətənlərimizə fayda verə bilər. Bu bir faktdır ki, bu vandal faktların qarşısını almaq üçün bu istiqamətdə məsuliyyəti gücləndirmək lazımdır”, - deyə Tbilisi meri bildirib.

Kaxa Kaladzenin sözlərinə görə, İnzibati Xətalar Məcəlləsinə dəyişikliklər layihəsinə əsasən, vandalizm aktına görə cərimə 300 lari, təkrar törədildikdə isə 500 lari olacaq.

“Biz Daxili İşlər Nazirliyi ilə əlaqə saxladıq və Gürcüstanın İnzibati Xətalar Məcəlləsinə dəyişikliklər hazırladıq:
Parklar, meydanlar, yolların, yeraltı keçidlərdə yerləşdirilmiş İnfrastruktur və inventarlar
İstifadəsi nəzərdə tutulan digər obyektlərin, o cümlədən yol nişanlarının, işıqforların, açıq hava müşahidə kameralarının qəsdən zədələnməsi və ya məhv edilməsi, ictimai nəqliyyatın qəsdən zədələnməsi və ya ictimai nəqliyyatda inventarın qəsdən zədələnməsi və ya məhv edilməsi 300 lari məbləğində cərimə ilə nəticələnir.
Eyni hərəkətin təkrarlanması 500 lari məbləğində cərimə və ya inzibati həbslə nəticələnəcək.

Sözügedən qanun layihəsi Gürcüstan parlamentinə təqdim olunacaq və biz qanunvericilərin dəstəyinə böyük ümidlər bəsləyirik”, - deyə Kaxa Kaladze bildirib.

Paytaxt merinin sözlərinə görə, mövcud qaydaya əsasən, başqasının əmlakının zədələnməsi və ya məhv edilməsinə görə məsuliyyət yalnız zədələnmiş və ya məhv edilmiş əmlakın dəyəri 150 laridən çox olduqda nəzərdə tutulur.