Qaraçöp sakinləri Türkiyəyə yardım məqsədi ilə 80 min lari, geyim və yataq dəstləri göndərir

Saqareco bələdiyyəsinin Qaraçöp kəndində xeyirxah insanlar tərəfindən başladılan genişmiqyaslı yardım kampaniyası çərçivəsində Türkiyədə zəlzələdən zərərçəkmiş əhali üçün lazım olan əşyalar toplanıb.

InterPress.ge xəbər verir ki, bu barədə Qaraçöp İcma Mərkəzi məlumat yayıb.

Həyata keçirilən yardım kampaniyası çərçivəsində indiyə qədər 2 TIR-dan çox geyim və yataq dəstləri (yastıq, yorğan-döşək, ədyal və.s.) və həmçinin 80 000 Lari məbləğində pul toplanılmışdır.

Qaraçöpdə hazırda yığılan yardım sabah (11 Fevral) Türkiyəyə yola düşəcək.

Qeyd edək ki, İcma Mərkəzindən verilən məlumata görə, sözügedən yardım kampaniyasının davam etdirilməsi planlaşdırılır.