Türkiyənin İsgəndərun şəhərini su basıb

Zəlzələ nəticəsində Türkiyənin İsgəndərun şəhəri su altında qalıb. 

InterPress.ge xəbər verir ki, bu barədə Türkiyənin NTV telekanalı məlumat yayıb.

NTV-nin məlumatına görə, Türkiyənin 10 vilayətində baş verən zəlzələ nəticəsində Hatay vilayətinin İsgəndərun şəhərində dəniz səviyyəsi qalxıb.

İskəndərun şəhərində yolları, meydanları və sahil boyu binaları su basıb. Risklərlə əlaqədar olaraq sahil bulvarında yerləşən binalar boşaldılıb.

İskəndərun yerli hakimiyyət orqanları sakinlərə xəbərdarlıq edir ki, qəzalı evlərə girməsinlər.