Dağıntılar altında qalan iki Gürcüstan vətəndaşından hələlik xəbər yoxdur.
InterPress.ge xəbər verir ki, bu barədə Gürcüstanın Türkiyədəki səfiri məlumat verib.
Onun sözlərinə görə, ötən gecə dağıntılar altında 6 Gürcüstan vətəndaşının axtarışları davam etdirilib, onlardan 4-ü çıxarılıb və özlərini yaxşı hiss edirlər.
O qeyd edib ki, cari məlumatlara görə, Türkiyədə baş vermiş zəlzələ nəticəsində 2 Gürcüstan vətəndaşı həlak olub, 100-dən çoxu tapılıb, 2 nəfər itkin düşüb.
“Dünən bütün günü zənglər gəlirdi. Bəzi vətəndaşlarımızı tapdıq. Gecə saatlarında faktiki olaraq 6 vətəndaşın axtarışı prosesi gedirdi. Xoşbəxtlikdən 4 nəfəri tapdıq. Onlar təhlükəsiz yerə köçürülüb, sağlamdırlar, yaxşıdırlar. Dağıntılar altında basdırılmış 2 vətəndaşımızı hələ də tapa bilməmişik. Proses davam edir”, - deyə səfir bildirib.
