Rusiya Federal Şurasının vitse-spikeri: "Gürcüstan Avropa Birliyinə can atmaqla tələyə düşüb"

Rusiya Federal Şurasının vitse-spikeri Konstantin Kosaçev Avropa Komissiyasının Xarici Fəaliyyət Xidmətinin mətbuat katibi Peter Stano-nun Gürcüstan və Rusiya arasında birbaşa uçuşlarla bağlı bəyanatına cavab verib.

InterPress.ge xəbər verir ki, Kosaçovun sözlərinə görə, Gürcüstan Avropa Birliyinə can atmaqla tələyə düşüb:

"Yayılan məlumata görə, Avropa İttifaqı Gürcüstana Rusiya Federasiyası ilə uçuşların bərpa olunacağı təqdirdə mümkün sanksiyalarla bağlı xəbərdarlıq edib. Gürcüstan buna susur! Suverenliyin tam itirilməsi belə görünür. Geosiyasi köləlik belə görünür", - deyə o söyləyib.