Mtsxeta-Stefantsminda-Larsi avtomobil yolunun hissəsində qoşqulu və yarımqoşquluların hərəkəti qadağan edilib

Mtsxeta-Stefantsminda-Larsi avtomobil yolunun Qudauri-Kobi hissəsində qar və buzla əlaqədar qoşqulu və yarımqoşqulu avtomobillərin hərəkəti qadağan edilib. Qalan nəqliyyat vasitələri isə sərbəst hərəkət edir.

InterPress.ge xəbər verir ki, bu barədə Gürcüstanın Regional İnkişaf və İnfrastruktur Nazirliyinin Yollar Departamenti məlumat verib.

Milli Ətraf Mühit Agentliyinin məlumatına görə, Qudauri-Kobi hissəsində nəqliyyatın hərəkəti dayanmadan, yalnız  qar uçqunundan mühafizə tunelləri vasitəsilə həyata keçiriləcək.