A kateqoriyalı taksi sürücüləri BUS LINE-da dayanaraq sərnişinləri götürüb endirə biləcəklər

A kateqoriyalı taksi sürücüləri BUS LINE-da dayanaraq sərnişinləri götürüb endirə biləcəklər. 

InterPress.ge xəbər verir ki, müvafiq dəyişiklikləri bu gün Tbilisi meri Kaxa Kaladze açıqlayıb.

“Aprelin 1-dən etibarən A kateqoriyalı taksi sürücüləri avtobus zolağına keçmək, saxlamaq, sərnişinləri götürmək və ya endirmək imkanı əldə edəcəklər. Biz bu məsələ ilə bağlı Daxili İşlər Nazirliyi ilə fəal işləyirik və əlavə təfərrüatlar barədə sonra danışacağıq”, - Kaladze bildirib.

Xatırladaq ki, taksi islahatının üçüncü dalğası aprelin 1-dən başlayır.