Gürcüstan iqtisadiyyatı dekabrda 11% artıb

2022-ci ilin dekabr ayında əvvəlki ilin müvafiq dövrü ilə müqayisədə real ümumi daxili məhsulun (ÜDM) artımı 11,0 faiz, 2022-ci ilin orta real artımı isə 10,1 faiz səviyyəsində müəyyən edilib.

InterPress.ge xəbər verir ki, bu barədə Sakstat ilkin qiymətləndirməsinə əsasən məlumat verib.

Agentliyin məlumatına görə, 2022-ci ilin dekabr ayında əvvəlki ilin müvafiq dövrü ilə müqayisədə artıma aşağıdakı sektorlar əhəmiyyətli töhfə verib: tikinti, emal sənayesi, nəqliyyat və anbar təsərrüfatı, maliyyə və sığorta fəaliyyəti, ticarət, mehmanxana və restoranlar.

Daşınmaz əmlakla bağlı fəaliyyət, peşə, elmi və texniki fəaliyyət və elektrik enerjisi, qaz, buxar və kondisioner təchizatı sektorlarında azalma tendensiyası müşahidə olunub.