Pakistanda məsciddə baş verən partlayış nəticəsində ölənlərin sayı 87-yə çatıb

Pakistanda məsciddə baş verən partlayış nəticəsində ölənlərin sayı 87-yə çatıb, 100-dən çox yaralı isə xəstəxanada qalır. 

InterPress.ge xəbər verir ki, məlumata görə hadisə yerində axtarış-xilasetmə işləri davam etdirilir.

Məsciddə partlayış yanvarın 30-da baş verib. Ölkənin xüsusi xidmət orqanlarının məlumatına görə, terrorçu-kamikadze namaz vaxtı məsciddə özünü partladıb.

Pakistan Talibanı partlayışda əli olduğunu təkzib edib.

Məscidə hücum zəvvarlarla dolu olduğu vaxt baş verib. Partlayış nəticəsində binanın bir hissəsi dağılıb və bir neçə nəfər dağıntılar altında qalıb.