"Amerikaya uçuşlara iyun ayından etibarən başlanılacaq"
"Biz iyun ayında Amerikaya uçuşlara başlamağı planlaşdırırıq".
InterPress.ge xəbər verir ki, bu barədə BMG-yə Air Georgiya məlumat verib.
Air Georgiyanın rəhbəri Qiorqi Koduanın sözlərinə görə, şirkət Avropa bayrağı altında uça bilər.
Məsələ burasındadır ki, Air Georgia bir ildən artıqdır ki, Tbilisi-Nyu-York reyslərinə başlamaq üçün icazə gözləyir. Onun sözlərinə görə, sertifikat Amerika standartlarını tətbiq etməli olan Mülki Aviasiya Agentliyi tərəfindən verilməlidir.
“Biz Gürcüstan hakimiyyətinə müraciət etmişik ki, uçuşlara başlamağa hazırıq. Gürcüstanın Mülki Aviasiya Agentliyinin Amerika standartlarını tətbiq etməsi proseduru qalır. Bunu ABŞ özü xahiş edir. Biz indi Avropa qaydalarına uyğun fəaliyyət göstəririk”,- Qiorqi Kodua deyir.
Bununla belə, Kodua qeyd edir ki, şirkət Avropa şirkətinin nəzdində uçuşlara başlamaq üçün Portuqaliya şirkəti ilə danışıqlar aparır. Müvafiq olaraq, şirkət Tbilisidən Nyu-Yorka ilk uçuşun iyun ayında baş tutacağını gözləyir.
"Avropa bayrağı altında fəaliyyətə başlasaq, məsuliyyət Gürcüstan hökumətinin üzərinə düşməyəcək. Daha baha olduğu ortaya çıxır, ona görə də Avropa şirkəti ilə qiymət danışıqları aparılır. Gürcüstan bayrağı altında uçuşlar zamanı biletlərin qiyməti 950 dollardan 1000 dollara, Avropa bayrağı altında isə 1200 dollardan 1300 dollara qədər olacaq. Gəlin görək cəmiyyət bu məbləği ödəyə bilərmi”- Qiorqi Kodua bildirib.
BMG-nin uçuşların necə həyata keçiriləcəyi ilə bağlı sualına isə Kodua -“Bizim iki seçimimiz var: Tbilisi-Nyu-York və ya Tbilisi-Brüssel-Nyu York”- deyə cavab verib.
