Xaşuridə 3 nəfər təbii qazdan zəhərlənib

Xaşuridə 2-si uşaq olmaqla 3 nəfər təbii qazdan zəhərlənib.

InterPress.ge xəbər verir ki, zəhərlənməyə səbəb hamamda quraşdırılmış su qızdırıcısı olub.

“Axşam uşaq hamamda idi, “kalonka” yanırdı. Həmin vaxt ailə üzvləri özlərini pis hiss ediblər. Təcili yardım çağırıblar”, - hadisə şahidlərindən biri bildirib.

Təcili tibbi yardım briqadası onları Xaşuridəki klinikalardan birinə aparıb. Onlarda başgicəllənmə, baş ağrısı, ürək döyüntüsü və ümumi zəiflik olub. Hazırda onların vəziyyəti stabildir.