Ağır yol qəzası nəticəsində 26 yaşlı oğlan ölüb

Telavi-Ğvarelini birləşdirən yolda baş verən yol-nəqliyyat hadisəsi itki ilə başa çatıb.

InterPress.ge xəbər verir ki, yüngül avtomobilin sürücüsü sükanı idarə edə bilməyib, yolun hərəkət hissəsindən çıxıb və ağaca çırpılıb, nəticədə 26 yaşlı oğlan ağır xəsarət alıb.

Təcili yardım briqadası yaralını tibb müəssisəsinə aparsa da, gəncin həyatını xilas etmək mümkün olmayıb.

Daxili İşlər Nazirliyi hadisə ilə bağlı araşdırmalara başlayıb.