21 
Yan
2023
18:42
327

Tbilisidə yaşayış binasının divarı uçub

Tbilisinin Bendeliani küçəsində yaşayış binalarından birinin yan divarı uçub. Hadisə nəticəsində xəsarət alan olmayıb. Yaxınlıqda dayanmış bir avtomobilə ziyan dəyib.

InterPress.ge xəbər verir ki, Saburtalo rayonunun qubernatoru Qayoz Vasadze jurnalistlərə bildirib ki, divarın uçması ehtimal ki, su borusunun zədələnməsi nəticəsində baş verib.

“Divar konstruksiyası uçub. Heç kim xəsarət almayıb, bütün aidiyyatı xidmətlər yerindədir, sabah səhər saatlarında dağılmış torpaq və divarın qalan təhlükəli elementlərinin sökülməsinə və götürülməsinə başlanacaq, zərərin dərəcəsini müəyyən edəcək bələdiyyə laboratoriyası var. Bundan sonra layihə və yeni divar işləri görüləcək. Səbəblər aydındır, ilk baxışdan bu divarın uçmasına səbəb olan su borusunun zədələnməsidir. Bələdiyyə laboratoriyası qalan iki divarı da yoxlayacaq, əgər onlar təhlükəlidirsə, onları bərpa edəcəyik”, - Vasadze bildirib.

Bizimlə əlaqə saxlayın