Gürcüstan vətəndaşı İrma Şakiaşvili İslamı qəbul etdi

Türkiyənin Kayseri şəhərində yaşayan Gürcüstan vətəndaşı İrma Şakiaşvili təhlükəli hadisədən sağ çıxandan sonra müsəlman olub.

InterPress.ge xəbər verir ki, Şakiaşvilinin sözlərinə görə, o, 6-cı mərtəbədən yıxılıb, həkimlər onun sağ qalmasının möcüzə olduğunu deyiblər. Bundan sonra qadın İslamı qəbul edəcəyinə Allaha and içib.

Əyalət müftisinin müavini Dursun Sarı İslam dininin əsas prinsipləri barədə Şakiaşviliyə məlumat verib.

"İslam dininə üstünlük verən xanımı təbrik edirəm. O, müsəlman olmağa qərar verib", - müfti müavini deyib.