Telavidə yaşayış binalarından birində gənc qadın ölü tapılıb

Telavi şəhərinin Alazani prospektindəki yaşayış binalarından birinin birinci mərtəbəsində gənc qadın ölü tapılıb. 

InterPress.ge xəbər verir ki, qadın kirayə mənzildə yaşayırmış.

Qonşular deyib ki, mənzil sahibi onu hamamda ölü halda tapıb.

İlkin məlumata görə, meyitdə heç bir xəsarət izi yoxdur. Ehtimal olunan ölüm səbəbi təbii qaz sızmasıdır.

Hüquq-mühafizə orqanlarının əməkdaşları hadisə yerindədir.