Ölkədə yaşayış minimumu azalaraq 253,5 lari təşkil edib

2022-ci ilin dekabr ayında əvvəlki ayla müqayisədə yaşayış minimumu 1,6 lari azalıb.

InterPress.ge xəbər verir ki, bu barədə Milli Statistika Xidmətinin məlumat yayıb.

Məlumata görə, ötən ay əmək qabiliyyətli şəxs üçün yaşayış minimumu 253,5 lari olduğu halda, 2022-ci ilin noyabrında bu rəqəm 255,1 lari olub.

2021-ci ilin eyni dövrü ilə müqayisədə 2022-ci ilin dekabr ayında əmək qabiliyyətli şəxs üçün yaşayış minimumu 30 lari artıb. 2021-ci ilin dekabr ayında isə yaşayış minimumu 223,5 lari idi.

Bundan başqa, Sakstatın məlumatına görə, dekabrda noyabr ayı ilə müqayisədə orta istifadəçinin yaşayış minimumu azalaraq 226 lari əvəzinə 224,5 lari təşkil edib. 2021-ci ilin eyni dövrünə gəlincə, orta istifadəçinin yaşayış minimumu o zaman 198 lari idi.

Məlumat üçün bildirək ki, yaşayış minimumu minimum ərzaq səbəti əsasında müəyyən edilir. Minimum ərzaq səbəti – əmək qabiliyyətli şəxsin normal həyatı və əmək qabiliyyəti üçün fizioloji cəhətdən zəruri olan qidanın miqdarını, onun tərkib elementlərini (zülallar, yağlar və karbohidratlar) və minimum miqdarda qida məhsullarının müəyyən edilmiş normativ səbətidir.