İvane Çxaidze: "Məktəbləri distant rejimə keçirmək vacib deyil, lakin..."

"Məktəbləri distant rejimə keçirmək vacib deyil, lakin tədrisə başlamaq yoluxma sürətini artıra bilər".

InterPress.ge xəbər verir ki, bu barədə İaşvili adına Mərkəzi Uşaq Xəstəxanasının tibbi direktoru, Tbilisi Dövlət Tibb Universitetinin professoru İvane Çxaidze açıqlama verib.

O qeyd edib ki, respirator virusların pik həddi keçib, baxmayaraq ki, onların sayı yanvar-fevral aylarında arta bilər.

“Distant təhsilə keçmək tövsiyəsi yoluxmuş insanların sayından asılıdır. Aydındır ki, ölkəmizdə kəskin respirator virusların pik həddi keçib. Milli Xəstəliklərə Nəzarət Mərkəzinin bizə verdiyi məlumatlarda aydın olur ki, biz artıq təqvimin 46-cı həftəsində ölkədə pik dövrünü yaşadıq və noyabrın sonundan etibarən qripə bənzər xəstəliklərin yayılması azalıb.

Təbii ki, yanvar-fevral aylarında qripə bənzər halların artması mümkündür. Bugünkü məlumatlara görə, pik artıq keçib, buna görə də məktəblərin distant rejimə keçirilməsinə ehtiyac yoxdur, lakin tədrisə başlamaq yoluxma nisbətini artıra bilər, ümid edirəm ki, faciəli olmayacaq. Qeyd etmək lazımdır ki, vaksinasiya tövsiyələrdən biri olaraq qalır. Risk qrupuna aid olanların peyvənd olunması tövsiyə olunur”, - İvane Çxaidze qeyd edib.